چلمه.. چلمه... بقلم الشاعر...علي الخليفاوي
@@@چلمه.. چلمه @@@
@@@..بقلم. احسجة الجنوب الشاعر علي الخليفاوي @@@
چلمه چلمه
كاتب العشره قصايد
بيهه شوگ
وبيهه لچمه وبيهه شوغه
وبيهه دمعه تواسي كل مبيوگ حلمه
وبيهه صوره اعله الفراگ
وآآخ يانار الفراگ
اتگول مشعل من جهنم
ماطفه يعابي الذنوب
واني ذاك المايتوب
ولانسيتك
گاعد براسي سوالف
ساعه ميمر
ساعه نصاري غميج
وساعه اصوغنك موشح
اقره بيك اعله الطريج
وكل قصيده
بيهه لرسومك محاچي
اعله الزلوف
الطايحه بعين التراچي
وماخذه من الرگبه هيل
ونازله تناغي الشفايف
والعيون الشاگه بوجهك جزاير
فوگهن ضل الرموش
اتگول سبگ صگر طاير
باني عش اعله المناير
تحت زيجك
فوگ خصرك
بين طبگات الصراير
غافيه بسد الزنود
وااااه يادمعي الترس من مايه جود
وعندي بيت من الشعر
كله طلاسم
كاتبه لطولك يمن طولك امان
اتگول شدة خيزران
تاخد من الهور نسمه
وتمشي ويه الريح نغمه
وانه صغت العشگ چلمه.. چلمه…….. چلمه
بقلم
… ..علي الخليفاوي……
تعليقات
إرسال تعليق