عكاز العمر شروقية... بقلم الشاعر:: راضي مشيلح
عكاز العمر شروقيه
----------------------------
لما عيون السما بكيت على الطرقات
انبل الحرير البري تا بيّنوا كوازو
تمسمر بلحظه النظر وتكهربوا الخفقات
في قلب شاعر بيعرف شو بيعتازوا
نادا عليكي تعي تا نْرجع اللي فات
من عُمر النا الشِعر خفّق جنح بازو
سويّه منمحي العتم خيطين بالشمعات
وبالنور نكسر لِطيف الحزن بروازو
بيكفا نقضي العمر بالاه والنهدات
الا اللي ضحّوا الو بالحب ما فازوا
حاجي خيول الجفا تمرح بهالساحات
ويضيع هيك العمر هزه عَ هزازو
ال خلّد بعمرو ذِكر مايوم قالوا مات
قصر التجافي ضروري انكسر قزازو
وقديش حلو العمر ترجع الو السهرات
من قبل ما ننحني ونحتاج عكازو
-----------------------------------
بقلمي راضي مشيلح
تعليقات
إرسال تعليق