الفصحى والعامية / بقلم الشاعر محمد سعد غبن
( الفصحى والعاميه )
قالولى ليه مبتكتبش
الفصحى بلاها عاميه
قلتلهم هكتب وأسيب
الشعب بحاله. منسيه
مش هى دى لغه
الناس البسيطه أم جلابيه
ولا لازم أخنق نفسى
بالبدله وأعيش وأنسى. القضيه
وخلاص أبدأ اشغل
رآسى بالببيون والعطور الباريسيه
لسانا واضح ياصناع العاميه
إحنا نبض شعب بيحب بلاده
عايز يشوف بنفسه أمجأده
يطمن على اللى جى من احفاده
وهوا عن نفسه هيفديها. بولاده
شعب راجل من ضهر راجل
شاف الغلب وبيكابر وبيواصل
فبلاش تشغلوا نفسكم بالعاميه
دا حتى لونها شبهه ارضها المسقيه
بكفاح فلاحين مساكين ومرضيه
لطمعت ف السهر ولاالنوادى الليليه
هتقدر تعبر زينا بطريقتها الفطريه
ولا هتعدل نفسك
و زرار قميصك. وبدلتك
خليك مع مرايتك إحكيها وهتفهمك
وإسمع أما أقولك دا
ملعب الساده العوام
اللى ميحبوش الحفلطه ولا خنقه الكلام
دا نبض إحساس وغيرنا أبدع فيه
واللى وصل قلوب الناس وماعلقت عليه
غير بالرضا والقبول ورأى طيب يرضيه
يلا نخليها تخصص وبلاها الخوض فيه
بقلمى / الشاعر محمد غبن
شاعر من نبض الحياه
27/10/2018
تعليقات
إرسال تعليق