ما كنت عارف # الشاعر مرهج محمد
نفحة غزل....
ما كنت عارف والهوى بإيدي
أني بأيادي الحب تنهيدة
وضحكة طفل عاحضن غفيان
و دمعة يمامة بفي قرميدة
وشاعر سؤالو مكسر الازمان
وخيط الهوى عم أغزلو بإيدي
ليش الفرح ما يسكن الإنسان
وتصير عنو المرمرة بعيدة
وليش بمزاجا معكرة الأكوان
ردي يحلوة ان كان بتريدي
صبت بكاسي حكمتا بتحنان
خمرة سقتني واندهت زيدي
درب السعادة بيبتدي بأحزان
حتى بغرامو انتشي بعيدي
وتأقطف الجوري من البستان
لازم بشوكو تنجرح ايدي
وخد الصبية الأصفر الدبلان
العنها عيونك صارت بعيدة
محتاج قبلة من ثغر عشقان
تيصير لونو أحمر نبيذي
هادا الغرام بسكرتو فنان
راسم شروطو بفن تجريدي
لوحة بعمر الدهر والازمان
وكل ما لمحتا بشوفها جديدة
مرهج محمد
---تحيتي احبتي وأطيب المنى....
تعليقات
إرسال تعليق