يا حاملة الزهرة# الشاعر علي عبد النبي
ياحاملة الزهرة علينا الزهر دين
بشوفك بعين ونشكر الحلوة بعين
لاتواخذيني بهالحكي عالحالتين
عم شوف هالزهرة بلوحة ولوحتين
زهرة بإيدك والخدود موردة
يعني بعين الناس صرتو زهرتين
محبوبتي بالحسن مافي قدها
ومعطرا الدنيا بفوحة ندها
كلمة بحبك بالخجل بتردها
وبتصير تخفي عيونها في يدها
خدودها ورود وحاملة بإيدها ورود
وحيران ع ايا ورود ايدي مدها
بقلم علي عبد النبي
تعليقات
إرسال تعليق