صرخت صامت//بقلم الشاعر فهمى محمود حجازى

صرخت صامت

صامت وجوايا للصمت الف صرخه وصوت

جوايا صرخة الم بتقول ياناس مكبوت

والتانية صرخة طيبة خايفه ياناس لتموت

والتالته صرخة ندم على حلم شبعان موت

والرابعة صرخة لعمر كأنه شجرة توت 

بعد اما طرح الحلو حس بمرار فى القوت

والف صرخة وصرخة ع المسلم اللي بموت

والدنيا سامعه والظلم حط شروط

وان جيت تقول لآه تلقى الكلام مغلوط

والصبرمحتاج زقه ليتخنق ويموت

واسلمنا محتاج واقفه قبل الزمان مايفوت

ودينا محتاج علما مش شيخ عاملي كيوت

واديني ب اصرخ صرخة بعد انحباس وسكوت

يمكن تصحي البعدا قبل مايجي الموت

وينكتب فى الذكرى د كان عديم الصوت

بقلمى فهمى محمود حجازى