** ( لوحه فنيه ) ** *********************** حياتك لوحه فَنِّيه .. تِشكِّلها بأعمالك وعمرك هوا بروازها .. وبتلوِّنها أقوالك ومين رسامها غير إنت .. بترسمها بأحوالك ولو خلصت سنين عمرك .. ها تلقى الآخره ناده لك و إيه تنفع ملايينك .. وأطيانك , دى أوحالك دا كنز الحب فى إدينك .. وكنز العلم أوحى لك وكنز الدنيا إيه ؟! .. دينك .. وكنز الذكر راسمالك ******************** كُنوزك دِيَّا خَليِّهْا .. تِعَمَّر كُلْ أوقاتك ولو تبذل جهود فيها .. ها تظهر منها جناتك ولو ترسم طريق بيها .. تِخَضَّر كُل خَطواتك وتيجى الفرحه بإديها .. وتمسح كل دَمْعاتك ونَفسك طفله َربِّيها .. بصٌومك ويَّا ركعاتك بنٌور العَقل زَكِّيها .. وذِكر الله و دعواتك دا لِسَّه الفٌرصه فُوزبيها .. ِولسَّه الحظ ما فاتك .................................. تحياتى / حسن عبد الغفار الليثى ..................................
تعليقات
إرسال تعليق